Ссылки доступа

Москвада эътироз учун муҳожир-қоровулнинг қулоғи тишланди


Тожикистонлик меҳнат муҳожирининг айтишича, Москвада бир аёлнинг эри томонидан шавқатсиз калтакланган. У аёлга мурожаат қилиб, гулзордан ити аҳлат ташлайдиган жой сифатида фойдаланмасликни илтимос қилган. Натижада унинг бир нечта тиши синган, чап қулоғининг бир қисми тишлаб олинган.

Тожикистонлик мигрант Маҳмадулло Давлатзода Москвадаги кўп қаватли уй атрофидаги гулзорга ити аҳлатини ташлаган аёлга эътироз билдирган. Бунга жавобан москвалик аёл “сен кимсан, менга эътироз билдирадиган”, дея бақирган.

«Шу каби ҳақоратли бақир-чақирдан сўнг можаро тугайди деб ўйлаган эдим. Аммо эртаси куни эрта тонгда мен гулзорни суғорар эканман, бақувват бир эркак келиб мени калтаклай кетди. У мени тишларимни синдирди ва мен қоча бошладим”, - дейди Маҳмадулло. У Москвадаги 61-шаҳар шифохонасида шифокорлар кўригидан ўтмоқда.

Ҳодисадан сўнг муҳожир полицияга мурожаат қилди. Бироқ у ерда ариза ёзмаслигини ва гуноҳкорни кечиришини сўрашди. У бунга рози бўлди, аммо бу ишни бекорга қилгани амин бўлди. “Ўша эркак яна, бу гал у қўлида пичоқ билан пайдо бўлди, у ультиматумом қўйди– «агар хотинимдан кечирим сўрамас экансан бу ерда ишламайсан!» деди”, - дейди Маҳмадулло Давлатзода. Муҳожир кечирим сўрашдан воз кечганидан сўнг эркак унга чанг солиб, қулоғини тишлаб олди. Маҳмадулло бақирганидан сўнг гуноҳкор қочиб кетди. Муҳожир ўзини ким яқин атрофдаги шифохонага олиб келганини эслай олмаслигини айтди.

Маҳмадулло Давлатзода 10 йилдан ортиқ вақт давомида қоровул бўлиб ишлайди, уни кўп қаватли уйнинг аҳолиси яхши танийди ва ҳурмат қилишади.

Тожикистонлик муҳожирнинг хуқуқларини ҳимоя қилаётган “Общественный вердикт” (“Жамоатчилик ҳукми”) ташкилотининг адвокати Ирина Бирюкованинг айтишича, муҳожирнинг қулоғини тишлаб олган москвалик эркак ҳам Давлатзода устидан полицияга шикоят қилган.

XS
SM
MD
LG