Ссылки доступа

Өзбекстанда тыңчылык үчүн соттолгон аялдын атасы Жогорку сотко арызданды


Өзбекстанда Тажикстандын пайдасына тыңчылык кылууга күнөөлөнүп, 11,5 жылга түрмөгө кесилген Зульфия Халимованын атасы кызынын ишин кайра кароо өтүнүчү менен Жогорку сотко кайрылды. Мухаммадносир Халимов кызы кыйноо алдында айыптоолорду моюнга алганын билдирүүдө.

– Кечээ кызыма жолугуп келдим. Кызым кыйноо алдында күнөөнү моюнга алганын айтты. Бүгүн мен Өзбекстан президенти менен Жогорку сотко арыз жаздым. Менин кызым саткын эмес, мен иштин кайра каралышын талап кылам, –деди Мухаммадносир Халимов.

Халимова тыңчылык жана мамлекеттик чек арадан мыйзамсыз өтүү боюнча күнөөлүү деп табылып, 11,5 жылга кесилген.

Сырдарыя химиялык жылуулук электр станциясында оператор болуп иштеген 36 жаштагы Зульфия Халимованын иши аскер сотунда жабык эшик артында өткөн.

Анын атасы кызы акча табуу максатында Тажикстанда бир нече убакыт иштегени үчүн гана тыңчылыкка айыпталган деп эсептейт.

XS
SM
MD
LG