Ссылки доступа

ИМА: ширкати Apple якбора се "айфон"-и навро муаррифӣ кард (видео)


Ширкати амрикоии Apple 12 сентябр якбора се навъи нави телефонҳои ҳушманди худ, маъруф ба "айфон"-ро муаррифӣ кард. Раиси ширкат Тим Кук iPhone X-ро (манзур аз X рақами римии даҳ аст) "ҷаҳиши бузург"-е аз замони ба фурӯш баромадани нахустин "айфон" номид.

iPhone X сабуктар, бориктар ва равшантар буда, метавонад барои боз кардани қуфли дастгоҳ ва беҳтар намудани саҳифаи намоиш чеҳраро шиносоӣ кунад. iPhone X 999 доллари ИМА ва бештар аз он арзиш дорад.

iPhone 8 ва iPhone 8 Plus аз 699 то 799 доллар, вобаста ба ҳаҷми хотираашон фурӯхта мешаванд.

Ҳар се навъи телефонҳо бе сим нирӯ мегиранд. Айфони "10" 3 ноябр ва "8" каме дертар ба фурӯш хоҳанд баромад.

Ширкати Apple ба ҷуз ин, навъи беҳтари "соатҳои ҳушманд" ва низоми видеостримингро барои телевизионҳои 4K намоиш дод.

XS
SM
MD
LG