Ссылки доступа

АҚШ ва Россия стратегик ҳужум қуроллари бўйича музокаралар олиб боради


Қўшма Штатлар ва Россия экспертлар даражасида 2010 йилда имзоланган стратегик ҳужум қуролларини қисқартириш бўйича Шартнома юзасидан музокаралар олиб боришни режалаштирмоқда.

Россия ташқи ишлар вазирининг ўринбосари Сергей Рябков 12 сентябрь куни Финландия пойтахти Хельсинкида АҚШ давлат котибининг ўринбосари Томас Шэннон билан учрашувдан сўнг Россия янгиликлар агентлигига берган интервьюсида томонлар мазкур шартнома бирор бир истисноларсиз ҳаётга татбиқ этилишига келишиб олганларини айтди.

Стратегик ҳужум қуролларини қисқартириш ва чеклаш чора-тадбирлари тўғрисидаги Шартнома (СНВ-3) ҳар икки томондан 1550та камайтирилиши, жумладан учириш тизимлари 800 донадан ошиб кетмасликни кўзда тутади. Бу Вашингтон ва Москва ўртасидаги мураккаб бўлган ҳозирги даврда ҳар икки томон амал қилиб келаётган саноқли шартномалардан биридир.

Қўшма Штатлар бундан аввал Россияни ўрта ва кичик масофаларга мўлжалланган ракетларни (РСМД) йўқ қилиш тўғрисидаги шартномага амал қилмаётганликда айблаган эди. Ўз навбатида Москва плутоний қуролини утилизация қилиш тўғрисидаги Битимдан чиққанлигини эълон қилди ва Вашингтон бу битимнинг ўзига тегишли қисмини бажармаганини айтди.

Рябков Шэннон билан учрашувдан сўнг, ўтган ой бошларида АҚШ томонидан Россия дипломатик ваколатхоналари – Сан-Францискодаги бош консулхона ва Қўшма штатлардаги Россиянинг иккита савдо ваколатхоналарини беркитилиши билан боғлиқ масалага қайтишнинг истиқболларини кўрмаётганини таъкидлади.

XS
SM
MD
LG