Дирӯз, 13 сентябр дар Остона машварати коршиносони кишварҳои ба истилоҳ кафил -- Русия, Эрон ва Туркия баргузор шуд. Даври шашуми гуфтугӯи сулҳи Сурия қарор аст, рӯзҳои 14-15 сентябр дар пойтахти Қазоқистон баргузор шавад.
"Чанде пеш тамоми ҷонибҳои гуфтугӯ вориди пойтахти Қазоқистон шуданд. Ҳамчунин як ҳайати 24- нафарӣ низ омадааст, ки гуруҳҳои гуногуни мухолифони мусаллаҳи Сурияро намояндагӣ мекунад", - навиштаанд расонаҳо бо истинод ба ВКХ Қазоқистон.
Намояндаи махсуси дабири кулли СММ дар Сурия Стаффан Де Мистура низ вориди Остона шудааст. Ба иттилои ВКХ Қазоқистон, ҳайати ИМА -ро дар гуфтугӯ иҷрокунандаи вазифаи ёвари котиби давлатии Амрико оид ба ҳалли низоъҳо дар Ховари Миёна Дэвид Саттерфилд ва мушовири сиёсии Вазорати корҳои хориҷии Урдун Науаф Уасфи Тел раҳбарӣ хоҳад кард.