Ссылки доступа

КХДР “Японияни ғарқ қилиш” ҳамда АҚШни “зулмат ва култепага” айлантириш билан таҳдид қилмоқда


Шимолйи Корея давлат агентлиги, КХДР яқинда амалга оширган ядро синовлари учун БМТ Хавфсизлик Кенгашининг резолюциясини ва санкцияларини қўллаб-қувватлагани учун, “Японияни чўктириб юбориш” ҳамда АҚШни “зулмат ва култепага айлантириш” мақсадида ядро қуроли қўллаш билан таҳдид қилди.

КХДРнинг ташқи алоқалари ва ташвиқоти билан шуғулланадиган Кореянинг Осиё-Тинч океани тинчлик қўмитаси ҳам БМТ Хавфсизлик Кенгашини тарқатиб юборишга чақирди. У БМТ Хавфсизлик Кенгашини “пулга сотиладиган” ва АҚШ ўрнатган тартибларни бажарадиган мамлакатлардан ташкил топган “ёвузлик қуроли” деб атади. ЦТАК агентлиги хабарида “Япон архипелагининг тўрт ороли чучхе ғоялари асосида яратилган атом бомбаси туфайли денгизга чўкиб кетиши кераклиги” ҳақида гапирилади."Япония энди бизнинг ёнимизда мавжуд бўлмаслиги керак ", – дейилади баёнотда.

Чучхе – Шимолий Кореядаги бошқарувчи мафкура бўлиб, у марксизм ва биқиқ миллатчиликнинг ўта кескин шаклини ўзида бирлаштиради. Бу мафкура КХДР асосчиси, ҳозирги етакчи Ким Чен Иннинг бобоси Ким Ир сен томонидан ўйлаб топилган.

3 сентябрь куни КХДР олтинчи кучли ядро синовини ўтказгани ҳамда иккита ракета учирганидан сўнг, Шимолий Осиёдаги кескинлик кучайди. Ракеталардан бири Япония ороллари устидан учиб ўтган эди. 15 мамлакатдан иборат БМТ Хавфсизлик Кенгаши АҚШ ишлаб чиққан резолюцияни бир овоздан ёқлади. Резолюция кўмир ва минерал ресурслардан кейин ҳажми бўйича иккинчи экспорт маҳсулоти бўлган тўқимачилик маҳсулотларини Шимолий Кореядан экспорт қилишни тақиқлашни, шунингдек, нефть маҳсулотлари етказиб беришни қисқартиришни назарда тутади.

XS
SM
MD
LG