Ҳуқуқ ҳимоячиларининг фикрича, Украина компанияси Африкадаги мазкур давлатга “минг дона автомат қурол, миномёт ва бошқа қурол-аслаҳаларни” етказиб беришни режалаштирган.
Amnesty International фикрича, "Укринмаш" уруш қамраб олган Африка давлатига қурол етказиб беришни тақиқловчи ҳужжатни четлаб ўтиш мақсадида 2014 йилда Бирлашган Араб Амирликларидаги компания билан ҳамкорлик қилган. Ҳуқуқ ҳимояси билан шуғулланувчи ташкилот баёнотига кўра, Жанубий Суданга етказиб берилган қуролми ёки унинг қисмлари эканлигини аниқлай олишмаган. Келишувнинг умумий қиймати 170 миллион долларни ташкил қилган. Агар қуроллар харидорларнинг қўлига тушгани аниқланадиган бўлса, у ҳолда 2013 йил декабрида Жанубий Суданда уруш бошлангандан кейинги очиқчасига илк йирик қурол-яроғ савдосига эришилгани маълум бўлади.
"Укринмаш" вакили Юрий Кирилличнинг Озод Европа/Озодлик радиосининг украин хизматига айтишича, давлат компанияси Жанубий Суданга ҳеч қандай қурол етказиб бермаган ва бу ишни режалаштирмаган.
Amnesty Internationalнинг маълум қилишича, Украина ва БАА компанияси етказиб берувчи сифатида Буюк Британияда рўйхатдан ўткаган кичикроқ фирмадан фойдаланмоқчи бўлган. Ҳуқуқ ҳимоячиларининг айтишича, Британия расмийлари бу ва бошқа шу каби келишувларга қаршилик кўрсатиш учун ҳеч қандай иш қилишмаган.