Ссылки доступа

"Коммерсантъ" РФ мудофаа вазирлиги тарихида рекорд даражадаги порахўрлик ҳақида маълум қилди


Полковник Александр Вакулин ҳибсга олиниб, октябрь ойи охиригача тергов изоляторига жойлаштирилди. У хусусий компаниялар билан шартнома тузилишида ҳомийлик қилгани боис 368 миллион рубл миқдорида пора олганликда гумон қилинмоқда.

Бу ҳақда сешанба куни "Коммерсантъ" нашри маълум қилди. Нашрнинг маълумотига кўра, бу ерда гап Россия мудофаа вазирлиги тарихидаги рекорд даражадаги пора ҳақида бормоқда.

Мудофаа вазирлигиннг Озиқ-овқат бошқармасининг техник таъминот бўлими бошлиғи 46-ёшли полковник мудофаа вазирлиги учун ошхона, новвойхона, цистерна ва бошқа махсус техникалар харид қилиш мақсадида имзоланган шартномалар учун пора олганликда гумон қилинмоқда. Тергов версиясига кўра, бундан ташқари полковник тадбиркорларга кўрсатган “умумий ҳомийлиги” учун ҳам пора олган.

Вакулин ишини алоҳида вазифалар бўйича катта терговчи Виталий Данилов олиб бормоқда. У бундан аввал "Оборонсервис" билан боғлиқ ишни тергов қилган эди.

2012 йилнинг октябрида "Оборонсервис" компаниясидаги кўзбўямачиликлар бўйича бир нечта жиноий иш очилган эди. Мудофаа вазирлигининг Мулк муносабатлари департаменти раҳбари Евгения Васильева катта миқдорда фирибгарликда, хизмат ваколатларини суистеьмол қилишда ва ноқонуний топилган пулларни қонунийлаштиришда айбдор деб топилган ва беш йил умумий режимдаги колонияда жазони ўташга ҳукм қилинган эди. Бироқ бир ойдан сўнг шартли озод қилиш бўйича муддатдан аввал озодликка чиқарилган эди.

XS
SM
MD
LG