Ссылки доступа

Қозоғистонда хорижга чиқаётган сайёҳлар суғурта қилиниши лозим


Остонада сешанба куни бўлиб ўтган ҳукумат мажлисида суғурта ва суғурта фаолияти тўғрисидаги қонун лойиҳаси тақдим қилинди. Унга кўра, хорижга чиқаётган қозоғистонлик сайёхлар албатта суғурта қилиниши ва суғурта омбудсменининг ваколатлари кенгайтирилиши кўзда тутилган.

Қозоғистон Миллий банки раиси Данияр Акишев баёнот бериб, мазкур қонун лойиҳаси қозоғистонлик сайёҳларнинг ҳуқуқларини кенгайтиришга қаратилгани ва хорижга чиқаётган сайёҳларнинг мулкий манфаатлари мажбурий суғурталанишига ўтиш кўзда тутилганини таъкилдлади.

«Хорижга чиқаётган сайёҳлар туроператорлар томонидан мажбурий суғурта дастурларидан бирива сайёҳатнинг куни бўйича суғурта қилинади », —деди Акишев.

Акишев шунингдек, қонун лойиҳаси омбудсменнинг ваколатлари суғуртанинг барча тоифаси бўйича кенгайтирилишини назарда тутишини қайд қилиб ўтди: мажбурий ва кўнгилли суғурталар жараёнида томонларнинг судга мурожаат қилиш ҳуқуқлари сақланиб қолади. Қозоғистонда суғурта омбудсмени институти 2008 йилдан бери фаолият юритади.

XS
SM
MD
LG