АҚШ қаржы министрі Стивен Мнучиннің мәлімдеуінше, қабылданған шаралар Солтүстік Кореяны оқшаулауды көздейді. Сол арқылы Құрама Штаттар бейбіт жолмен Корей түбегінде ядросыз аймақ құрғысы келеді.
Бұған дейін Вашингтон Солтүстік Корея сыртқы істер министрінің "АҚШ КХДР-ге соғыс жариялады, енді Пхеньян өз шекарасында америкалық әскери ұшақтарды атып түсіре алады" деген мәлімдемесін "бос сөз" деп атады.
Қыркүйектің басында КХДР алтыншы ядролық сынағын өткізіп, БҰҰ қарарын бұзды. Оған жауап ретінде БҰҰ Қауіпсіздік Кеңесі санкцияларын қатайтты.