Ссылки доступа

Нурулло Отахонов китобида экстремистик ғояларни тарғиб этганликда гумонланмоқда


27-сентябрда Тошкентга қайтган 63 яшар ўзбек ёзувчиси Нурулло Отахонов (Нуруллоҳ Муҳаммад Рауфхон) Туркиядаги икки йиллик ихтиёрий қувғиндан сўнг Тошкент шаҳрининг Яшнобод туманидаги ИИБга олиб кетилди. Ички ишлар ходимлари унинг яқинларига унга адвокат олишни тавсия қилганлар.

Гулнора Отахонова 27 сентябрь куни хабар берганидек, унинг турмуш ўртоғи "Бу кунлар" китобида экстремистик ғояларни тарғиб қилишда гумон қилинмоқда.

"Бу кунлар" китобида ёзувчи мустақиллик йилларида Ўзбекистоннинг ривожланишини танқид қилмоқда. Шунингдек, ёзувчи президент Ислом Каримов томонидан ўрнатилган режимни ва авторитаризмни кескин танқид қилган.

Эслатиб ўтамиз, бир кун аввал, Тошкент аэропортида учоқдан тушганларидан сўнг милиция ходимлари Нурулло Отахоновнинг қўлига кишан таққанлар. Шундан сўнг ёзувчи милиция бўлимига олиб кетилган.

Гулнора Отахонованинг айтишича, унинг кескин талабларидан кейин, милиция ходимлари сўроқ қилинаётган Отахонов билан учрашишга изн берганлар. Қисқа учрашув пайтида терговчилардан бири Отахоновнинг ҳибсга олинишига "Бу кунлар" романида акс этган ғоялар асос бўлганини билдирган. Терговчиларга кўра, мазкур асар Ўзбекистон Вазирлар Маҳкамаси қошидаги Дин ишлари бўйича қўмита томонидан "экстремистик" деб топилган.

XS
SM
MD
LG