Ссылки доступа

Тошкент ва Бишкек сарҳадларининг қолган 15%и ҳақида келишиб олмоқда


Қирғизистон ва Ўзбекистоннинг ҳукумат делегациялари қирғиз-ўзбек чегаралари бўйича шартномага кирмаган чегара чизиқларини белгилаб олмоқда. Бу ҳақда Ўзбекистон ТИВ хабар қилаяпти.

Унинг маълумотларига қараганда, икки мамлакат ишчи гуруҳларининг чегараларнинг қолган 15% ни аниқлаш ҳақидаги музокаралари21 дан 27 сентябргача Боткенда бўлиб ўтди. Музокаралар якуни бўйича баённома тузилди.

​5 сентябр куни Бишкекда,Ўзбекистон президенти Шавкат Мирзиёвнинг Қирғизистонга ташрифи вақтида, қирғиз-ўзбек чегаралари бўйича шартнома имзоланган эди.

Ҳукумат хабарига қараганда, шартномада 1378 километрлик умумий чегаранинг 1170 километри белгилаб берилган бўлиб, бу умумий чегаранинг 85% ни ташкил қилади. Қолган 208 километр (15%) йилнинг охиригача аниқланиши хабар қилинган эди.

28 сентябрь куни Қирғизистон парламенти шартномани ратификация қилди. У Қирғизистон президенти Алмазбек Атамбоевнинг Тошкентга сафари пайтида Қирғизистон ва Ўзбекистон президентлари томонидан имзоланиши кутилмоқда. Маълумотларга кўра, ушбу ташриф 5 октябр куни бўлади.

Белгилаб олинмаган чегаралар боис, чегараолди ҳудудларида аҳоли ўртасида бир неча бор низолар келиб чиққан.

XS
SM
MD
LG