Бу ҳақда Жўқўрғу Кенеш депутатини ҳибсга олган ҚР Миллий Хавфсизлик Давлат қўмитаси маълум қилди.
Қонунга кўра, 48 соат мобайнида ҳибсга олинганга нисбатан эҳтиёт чорасини кўриш юзасидан қарор қабул қилиниши керак. Айни дамда Қанатбек Исаев ҚР МҲДҚнинг Вақтинчалик Ушлаб туриш изоляторига олиб келинди. 30 сентябрь куни ҚР Бош прокуратураси томонидан қўзғатилган жиноий иш бўйичаҚР Миллий ҳавфсизлик давлат қўмитаси томонидан Қанатбек Исаев ва уюшган жиноий гуруҳнинг алоҳида олинган шахслари ҳибсга олингани маълум бўлди.
«Жиноий иш материалларидан маълум бўлишича, президентликка номзод Ўмурбек Бабановнинг тарафдори бўлмиш Қанатбек Исаев ҚР президентлигига сайловлар ва сайловлардан сўнг овоз бериш натижалари сохталаштирилгани баҳонасида оммавий тартибсизликлар уюштириш ва кейинчалик ҳокимиятни эгаллаб олиш мақсадида уюшган жиноий гурух вакиллари билан тил бириктирган, бунга ёшларни, жумладан уюшган жиноий гуруҳ аъзоларини танлаган ва тайёрлаган, одамларнинг овозини сотиб олишга уринган», - дейилади МҲДҚ хабарида.
1 октябрь куни Ўмурбек Бабанов Бишкекда бўлиб ўтган матбуот анжуманида ҳибсга олинган ҳамкасби ҳақида гапирар экан, агар-да Қанат Исаев ўзини қўллаб-қувватламаганда эди “ҳеч қандай муаммо бўлмасди” деди.