"Мен, ўзимизнинг ажойиб давлат котибимиз Рекс Тиллерсонга, кичик ракетачи билан музокаралар ўтказишга уриниб вақтини бекорга сарфлаётганини айтдим", – дея ёзди Трамп ўз твиттида. У қўшимча сифатида: "Рекс, кучини сақла, биз қилиниши керак бўладиган ишни қиламиз", – деб ёзди.
Трампнинг навбатдаги твити тўрт соатдан кейин ёзилди: "Ракетачи билан хушмуаммола бўлиш 25 йилдирки иш бермаётган экан, нима учун эндиликда иш бериши керак? Клинтон ҳам, Буш ҳам, Обама ҳам ҳеч нарса қила олмади. Менинг қўлимдан келади".
Трамп БМТ бош Ассамблеясидаги нутқида илк бор Шимолий Корея етакчисини "ракетачи" деб атаган эди. У Шимолий Кореяни "бутунлай йўқ қилиш" билан пўписа қилди.
Бунга жавобан Ким Чен Ин “натижа унинг кутганидан ҳам ошиб кетишини” Трампга ваъда қилди. Шу билан бирга қандай қадам босишини маълум қилмади. "Мен, олов билан албатта бу тентак америкалик қарияга кўрсатиб қўйман", – дея баёнот берди КХДР раҳбари.
"Ракетачи", оригиналда Rocket Man – Элтон Жоннинг машҳур қўшиғи.