Ссылки доступа

Самарқандда аборт қилинган 4 ҳомиланинг 2 таси инцест маҳсули бўлган


Жиноят ишлари бўйича Самарқанд вилоят судида “ноқонуний аборт қилганликда” ҳамда "аборт қилинган ҳомилаларни муфель печида ёқишга уринганликда" айбланаётган 2 врач ишини кўриш жараёнида “инцест” иддаоси юзага чиқди.

Суд жараëнини кузатаëтган маҳаллий блоггернинг айтишича¸ Самарқанд шаҳрининг Қошғарий кўчасида жойлашган 2- туғруқхона мажмуасининг муфель печида чала ëнган 4 ҳомиланинг 2 таси инцест натижаси бўлган. "Гувоҳлардан бирига кўра¸ Самарқанддаги университетлардан бирининг 24 яшар талабаси 17 яшар синглисини зўрлаган. Акасидан ҳомиладор бўлган қиз аборт қилдириш учун Самарқанддаги ҳусусий клиникага мурожаат қилган", – дейди блогер.

Самарқанд вилоят прокуратурасининг исми сир қолишини истаган терговчисининг айтишича¸ мазкур клиника “аборт қилишга рухсати бўлмаган ҳолда, акасидан бўйида бўлган аëлнинг ҳомиласини туширган ва Самарқанд шаҳар 2- туғруқхона мажмуасининг тиббий қолдиқлар ëқиладиган печида изнсиз ëқишга уринган". Терговчига кўра¸ Ўзбекистонда аборт қилиш фақат давлатга оид касалхоналарда амалга оширилади.

Унинг яна айтишича, “боласини олдирган қиз акаси томонидан икки марта зўрланган ва ҳомиладор бўлиб қолган. Лекин отасидан қўрқиб буни ҳеч кимга айтмай юрган Яна бири эса тоғаси ўрлаганидан ҳомиладор бўлган. Шарманда бўлишдан қўрқиб боласини олдиришган. Аборт қилинган ҳомилалар печкада ëнмай қолгани боис, кўп нарса ўртага чиқди", – деди терговчи.

XS
SM
MD
LG