“Нархлар йўқ деганда барқарорлашади”, - деди Бозумбаев ҳукумат кенгашида. Унинг сўзларига кўра, нархларнинг кутилаётган барқарорлашуви импорт қилинаётган бензин учун улгуржи нархнинг қандай бўлишига боғлиқ бўлади. Жорий йилнинг май ойига нисбатан Россиядан импорт қилинаётган бензиннинг улгуржи нархи кузда саккиз фоиздан зиёдга, хусусан, бир тонна учун 517 доллардан 560 долларгача ошди, деб хабар қилди вазир.
Вазир мамлакат автоёнилғи қуйиш шохобчаларидаги нархларнинг ўсишини бозордаги Қозоғистон нефть маҳсулотларининг чекланган таклифи ва қимматроқ бўлган импорт бензини улушининг кўпайиши билан изоҳлади.
Республика бўйлаб АИ-92 русумидаги бензиннинг бир литр учун ўртача нархи, расмий маълумотларга кўра, январь ойида 135 танга (январь ойидаги курс бўйича 0,41 доллар)ни ташкил қилди, сентябрь ойида у 150 танга (сентябрь ойидаги курс бўйича 0.44 доллар)гача кўтарилиб, бунда ўсиш суръати 11 фоизни ташкил қилди. Ҳокимият органлари импорт улушининг ошишини нефтни қайта ишлаш заводларининг режали таъмири бошланиши билан изоҳламоқдалар.
Вазир Бозумбаев АИ-92 русумидаги бензин импорти улушини ноябрь ойида 30 фоизгача ва декабрь ойида 20 фоизгача пасайтириш режалари ҳақида маълум қилди.