Ба иттилои ҳукумати вилояти Алмато, ҳавопаймо дар ҳудуди хоҷагии кишоварзӣ суқут кардааст. "Ҳангоми суқут ҳавопаймо ба хати барқ бархурдааст. Ба ҷуз ин ҳеч иншооти дигар зарар надидааст", - хабар медиҳад ҳокимияти вилояти Алмато.
Ҳавопаймои суқуткарда дар самти Алмато-Чимкент-Алмато барои муолиҷаи беморе парвоз мекард. Дар дохили он панҷ нафар: халабони ҳавопаймо, халабони дувум, техники ҳавопаймо ва ду духтур ҳузур доштанд.
Ҳавопаймо аз Алмато соати 18:35 дақиқа парвоз кард ва соати 18:47 дақиқа нопадид шуд. Баъдтар мақомот аз пайдо шудани ҳавопаймое дар ҳолати оташсӯзӣ хабар доданд.