Ссылки доступа

Қирғизистон Президентининг Ўзбекистонга ташрифи давомида чегара бўйича шартнома имзоланади


Алмазбек Атамбоевнинг Ўзбекистонга ташрифи чоғида муҳим хужжатлар пакетини имзолаш режалаштирилган. Бу ҳақда 4 октябрь куни президент аппаратининг ташқи сиёсат бошқармаси бошлиғи Айзада Субакожоева журналистларга маълум қилди.

Унинг сўзларига кўра, давлат чегараси, шунингдек, савдо-иқтисодий ҳамкорликка оид битимлар имзоланиши кутилмоқда. Айзада Субакожоева ўзбек-қирғиз чегарасининг бугунги кунда 40 километрлик қисми қайддан ўтказилганини, аммо бу йўналишдаги ишлар давом этаётганини таъкидлади.

Аввал хабар қилинганидек, Алмазбек Атамбоев жорий йилнинг 5-6 октябрь кунлари Президент Шавкат Мирзиёевнинг таклифига биноан Ўзбекистонга ташриф буюради.

Қирғизистон президенти 2 октябрь куни Қирғизистон ва Ўзбекистон ўртасида Қирғизистон-Ўзбекистон давлат чегарасида 2017 йил 5 сентябрь куни Бишкек шаҳрида имзоланган Битимни ратификация қилиш тўғрисидаги қонунни имзолади. Ҳукуматнинг фикрига кўра, шартномада 1378 км. умумий чегаранинг 1170 км қисми қайддан ўтказилган, бу эса унинг узунлигининг 85 фоизини ташкил этади. Қолган 208 километр (15%) йил охирига қадар аниқланиши мумкинлиги хабар қилинди.

Ўзбекистон президенти Шавкат Мирзиёев сентябрь ойининг бошида Қирғизистонга ташриф буюриб, ундан кейин Қирғизистон-Ўзбекистон чегарасида бир неча назорат ўтиш пунктлари очилган.

XS
SM
MD
LG