«У СИЗОда бўлган даврида бир неча бор ички режим тартибларини бузди. Тартибни сўнгги бор бузганидан кейин у карцерга жойлаштирилди», дейди суҳбатдош. У қандай “тартиб бузилишлари” ҳақида гап бораётганини изоҳламади.
Бироқ, Бузургмеҳр Ёровнинг қариндошлари, адвокат СИЗО ходимлари томонидан калтаклангани ҳақида ОАВга берган маълумоти учун жазога тортилганини айтишмоқда. Бузургмеҳрнинг онасининг айтишича, унинг ўғлини мунтазам калтаклашмоқда, шу каби калтакланишлардан сўнг бир марта тергов изоляторининг тиббиёт қисмига тушган.
Куни кеча Human Rights Vision Foundation халқаро ташкилоти Бузургмеҳр Ёровнинг саломатлиги билан боғлиқ аҳволдан ташвишга тушганини билдирди ва унинг озод қилиниши йўлида ҳуқуқ ҳимоячиларини ёрдам беришга чақирди.
Бузургмеҳр Ёров 2015 йилнинг 28 сентябрь куни “фирибгарлик” ва “ҳужжатларни сохталаштириш” айблари бўйича ҳибсга олинган эди. Кўп ўтмай машҳур адвокат Жиноият Кодексининг учта моддаси бўйича, жумладан “экстремистик фаолиятга очиқчасига даъват”да айбланди. Ўтган йилнинг 6 октябрь куниДушанбе шаҳар суди Бузургмеҳр Ёровни фирибгарлик ва ҳужжатларни сохталаштиришда айбдор деб топди ва уни 23 йил озодликдан маҳрум қилди. У суд ҳукмига кўра, қаттиқ тартибдаги колонияда жазони ўташи керак. Шу йилнинг март ойида мазкур иш бўйича Бузургмеҳр Ёровга 2 йил муддат қўшилди. Орадан кўп ўтмай таниқли адвокат мамлакат президентини ҳақоратлаш айби билан яна уч йил муддатга қамоқ жазосига ҳукм қилинди. Унинг қамоқда ўтириш муддати умумий ҳисобда 28 йилни ташкил қилади.