Ссылки доступа

Казакстанда көмүрдүн кымбатташына ортомчулар себеп болууда


Казакстандын Энергетика министрлиги көмүрдүн баасынын кымбатташына темир жол тарифтери менен ортомчу компаниялардын аракеттери таасир этип жатканын билдирди. Министрлик таркаткан билдирүүдө көмүрдүн шахталардагы баасы анча жогорку эмес экени белгиленген.

Мекеме керектөөчүлөр үчүн көмүр баасынын үч эсеге жогорулашын ортомчу түзүмдөрдүн аракеттери менен түшүндүрдү. Билдирүүдө ири компаниялар, анын ичинде материалдык-техникалык базага ээ эмес жеткирүүчүлөр көмүрдү аймактардагы башка сатуучуларга дүңүнөн соодалап жаткандыктары айтылат.

Министрлик көмүрдүн баасын бекитүү, сатылышын көзөмөлдөө жана ортомчу түзүмдөрдү жоюу иштери мекеменин ыйгарым укуктарына кирбестигин билдирди. «Көмүрдү сатып алуу жана аймактардагы калкка жеткирип берүү жергиликтүү аткаруу органдарынын милдетине кирет», — деп билдиришти министрликтен.

XS
SM
MD
LG