"Бугунги кунда Туркия полицияси ходимлари тергов ҳаракатлари тугагунига қадар ишдан четлатилишди", - таъкидланади ҚР ТИВ баёнотида.
Аниқланишича, 5 октябрь куни Туркиядаги ҚР элчихонаси Алания тумани хавфсизлик бошқармаси билан боғланиб, юқорида айтиб ўтилган воқеа тасдиқланган.
Жабрланувчи Р.А.га зарур тиббий ва психологик ёрдам кўрсатилган ва "тергов ҳаракатлари тугаганидан сўнг унинг ватанига қайтиш ҳақидаги қарор қабул қилинади".
Эслатиб ўтамиз, аввалроқ, Аланияда (Туркия) икки полиция ходими Қирғизистон фуқаросини калтаклаган, деб хабар қилинди. "Озодлик"ка "Доган" агентлиги муxбири Булент Татоглу берган xабарга кўра, икки полициячи 40 ёшли қирғизистонлик аёлни калтаклагани маҳаллий аҳоли томонидан видеога туширилган. Айни пайтда, туман полиция бўлими бошлиғи Ҳошим Чақмакчи маҳаллий оммавий ахборот воситаларига берган интервьюсида "эҳтимол аёл руҳий касалликка чалингани"ни айтди.