Москва атрофидаги Жуковскийдаги Раменское аэродромидан учган Ил-76 бортида темир йўлда юз берган авариянинг 36 иштирокчиси ва уларнинг беш нафар қариндошлари бор. Самолёт Термизга қўнди. У ерга Сурхондарё вилоятилик 22 киши ва ҳалок бўлган 15 кишининг жасади етказилди. Кейин самолёт Тошкентга учиб кетди.
Уч нафар жабрланган киши, жумладан беш ёшли қизалоқ Владимир областидаги касалхонада қолмоқда. Улар соғлиғининг ҳолати яхшиланганидан кейин ватанига қайтарилади.
6 октябрга ўтар кечаси Россиянинг Владимир вилоятидаги темирйўлда ЙҲҲ рўй берди: Санкт-Петербург – Нижний Новгород поезди автомобиль йўли ва темирйўл кесишмасида тўхтаб қолган йўловчи ташувчи автобус билан тўқнашиб кетди. Натижада 17 киши ҳалок бўлди. Уларнинг кўпчилиги – Ўзбекистон фуқароларидир. Ҳалокатда Қозоғистон фуқароси – автобус ҳайдовчиси ҳалок бўлди. Қозоғистон ҳукуматининг ахборотига кўра, Mercedes русумли автобус халқаро ташувларни амалга оширишга лицензияга эга бўлган ва Жанубий Қозоғистон вилоятининг Сариагаш туманида рўйхатга олинган эди.