Овоз бериш натижаларига изоҳ берган сиёсатчи “биз ғалаба қозондик”, дея баёнот берди:
- Бизнинг ғалаба шундан иборатки, биз одамларнинг онгини ўзгартирдик, биз уларга ўз сўзини айтиш имкониятини яратиб бердик ва қонуний йўл билан ўзлари ҳақ эканликларини кўрсатиш имконини бердик. Биз Қирғизистонда сайловларга чиқиш мумкинлигини, ўз дастурини билдириш мумкинлигини ва давлатни ривожлантиришнинг муқобил дастурини халққа бериш мумкинлигини кўрсатдик. Вақт ким ҳақ, ким ноҳақ эканлигини кўрсатади.
Ўмурбек Бабанов шунингдек, “ўзи учун маъмурий ресурслардан қўрқмасдан овоз берганларга” миннадорчилик билдирди ва ўз тарафдорлари ва командасини турли иғволарга учмасликларига чақирди:
- Мен ҳозиргина иғвогорона материал олдим, унда гўёки 16 октябр соат 12 да Бабановни қўллаб-қувватлаганларнинг митингга чиқиши билдирилган. Мен сизга яна бир бор эслатиб ўтмоқчиман: мен ҳеч қачон ҳокимиятни эгаллаб олишга интилмаганман! Ҳозир ҳам, келажакда ҳам ҳокимиятни эгаллаб олиш ниятим йўқ. Биз сайловчилар ва ташвиқотчилар ҳуқуқларини қонун йўли билан ҳимоя қиламиз. Мен келажакда ғалаба қозонишимизга мутлоқо ишонаман. Яхши сўз бор: «Бизни ўлдирмайдиган ҳамма нарса бизни мустаҳкам қилади». Бу сайловлар бизни жипслаштирди.
Хабарларга кўра Талас шаҳрида «Республика» партияси етакчиси штабида номзод Ўмурбек Бабановнинг тарафдорлари тўпланмоқда. “Озодлик” радиосининг маҳаллий мухбирининг сўзларига кўра, у ерда 100га яқин одам тўпланган.