Ссылки доступа

Қырғызстан: Қазақстан ЕАЭО талаптарын орындамай отыр


Қырғызстанның экономика министрлігі Қазақстан Еуразиялық экономикалық одақ (ЕАЭО) талаптарын орындамай отыр деп мәлімдеді.

Қазақстанның шекара өткізу бекетіне қосымша бақылау енгізуі ЕАЭО жөніндегі негізгі келіссөздің ұстанымдарына сәйкес келмейді. Бұл Еуразиялық экономикалық интеграцияның болашағына қауіп төндіреді делінген Қырғызстанның экономика министрлігі таратқан мәлімдемеде. Онда сонымен бірге Қазақстанның шекарада тауардың еркін өтуіне шектеу қойып жатқаны айтылған.

Осыған байланысты экономика министрлігі Еуразиялық экономикалық комитеттің төрағасы Тигран Саркисянға тиісті хат жіберіп, 2014 жылдың 29 мамырында қабылданған ЕАЭО жөніндегі келіссөздің талаптарын таяу уақытта алқа жиынында қарауды сұраған.

Қырғызстанның мемлекеттік шекара қызметінің мәліметіне қарағанда, «Ақжол-Автожол», «Ақ-Тілек» өткізу бекеттерінен осыған дейін 8 мыңнан астам адам еркін өтіп, 662 көлік кедергісіз қозғалып келген. 10 қазаннан бастап тәулігіне 3 мыңнан астам адам мен 357 көлік әрең өтетін болған.

XS
SM
MD
LG