2017 йил 18 октябрь соат 19 даги ҳолатга кўра, президент сайловларининг натижалари қуйидагича:
Биринчи ўринни сайловчиларнинг 54,74 фоиз овозини олган номзод, Совронбой Жээнбеков эгаллади (уни амалдаги президент Алмазбек Атамбоевнинг иттифоқчиси деб ҳисоблашади);
Иккинчи ўринда «Республика - Ата-Журт» партиясининг етакчиси, ўз номзодини ўзи илгари сурган Ўмурбек Бабанов бўлиб, сайлов участкаларига келган фуқароларнинг 33,7 фоизи унга ўз овозларини бердилар;
Етакчилар учлигини «Бутун Қирғизистон» партиясининг раиси Адахан Мадумаров якунлаяпти, унинг ҳисобида сайловчиларнинг 6,55 фоиз овози бор.
«Ақ Шумқар» партиясининг раҳбари Темир Сариев тўртинчи ўринда. У сайловчилар овозининг 2,57 фоизини олди. Бошқа номзодлар бир фоизлик кўрсаткичгача ета олмадилар.
15 октябрь куни бўлиб ўтган сайловдаги овоз беришда бир миллион 692 минг 423 нафар фуқаро қатнашди. Бу рўйхатларга киритилган сайловчилар сонининг 55,93 фоизини ташкил қилди.