Фонднинг собиқ раиси Руслан Ерденаев, унинг ўринбосари Дабир Медетбеков ва иккита хусусий кон қазувчи компания ходимлари коррупцияда гумон қилиниб, қўлга олингани ҳақида шу йил бошида маълум бўлган эди.
Олмаота шаҳар прокуратураси хабар беришига қараганда, тергов натижаларига асосан, 18 октябрь куни Олмаота шаҳрининг жиноят ишлари бўйича ихтисослшашган туманлараро судига Руслан Ерденаев ва ишнинг бошқа иштирокчилари, жумладан «БузгулАурум» компаниясининг муассиси Бахитжан Кенжебаевни талон-тарожларда айблаб, жиноят иши жўнатилган. Фонднинг собиқ раҳбари Руслан Ерденаев, прокуратуранинг маълумотларига биноан, пора олишда ҳам, “БузгулАурум” директори Азат Найзагарин эса “пора беришда шериклик қилиш”да айбланмоқда.
Тергов фаразига кўра, ЯПЖФнинг мансабдор шахслари компанияларнинг раҳбарларидан ЯПЖФ «БузгулАурум»нинг облигацияларини сотиб олиши ҳақидаги битим тузиши учун ўта йирик миқдорда пора олган. Тергов тасдиқлаганик, бунинг натижасида,давлатга беш миллиард тенге ҳажмда зарар етказилган. Тергов материалларига қараганда, илгари таваккаллар департаменти томонидан “таваккаллар мавжудлиги боис” йил давомида «БузгулАурум» облигацияларига инвестиция киритишдан тийилиб туриш тавсия қилинган эди.
ЯПЖФда пенсия ёшига етмаган, ишлаётган қозоғистонликларнинг мажбурий пенсия бадаллари тўпланади.
Фонднинг ўз акцияларига инвестиция киритишини текшириш 2016 йил 21 декабрда бошланган эди.