Молиявий назорат ва коррупцияга қарши кураш давлат Агентлигидаги манбанинг сўзларига қараганда, «Умид-88» компаниясининг директори Ражабали Одинаев Вақтинчалик сақлаш изоляторида ушлаб турилибди.
«Бюджет маблағларини қайтармагани борасидаги Молия вазирлигининг баёнотидан сўнг компания фаолиятини текшириш икки ой муқаддам бошланган эди, Ражабали Одинаев эса ўтган ҳафта ушланди», — деди манба.
Одинаев Тожикистон президенти Эмомали Раҳмоннинг 14 октябрь куни тадбиркорлар билан учрашувида «Умид-88» раҳбарияти шаънига танқидий фикр билдирганидан сўнг қамоққа олинди. Ўшанда президент бир неча йиллардан бери компания молия вазирлиги томонидан ажратилган 170 миллион долларлик бюджет маблағларни қайтармаётганини айтган эди.
Аксилкоррупция агентлиги вакилларининг айтишича, айни дамда компаниянинг молиявий фаолияти ўрганилмоқда ва бюджет маблағларини давлатга қайтариш имкониятлари ўрганилмоқда. Сўнгги кунларда «Умид-88»га тегишли барча автоёғилғи қуйиш шахобчалариданпештоқ лавҳалари олиб ташланмоқда. Шаҳобчалар ходимларининг сўзларига қараганда, компаниянинг янги эгаси «Эҳтиром» компанияси экан.
«Умид-88» компанияси 1996 йилда ташкил этилган бўлиб Россия, Қозоғистон ва Туркманистондан ёқилғи олиб келиш билан шуғулланарди. Мамлакат бўйлаб компаниянинг 70дан ортиқ автомобилларга ёқилғи қуйиш шахобчалари мавжуд эди.