“Озодлик” радиоси туркман хизматининг Ашхободдаги манбаларининг сўзларига қараганда, янги тақиқлар жорий этилиши ҳақидаги илк хабарлар бир ҳафта муқаддам пайдо бўлган эди, 29 октябрда эса полиция “қоида бузувчилар”га нисбатан чора кўришгга киришди.
"Якшанба куни, таҳминан эрталабки 11ларда мени йўл полицияси ходими тўxтатди ва автомобиль салонидан кўздан асровчи учга-тўрт саниметрли туморни, шунингдек, автомобил орқа ўриндиғидаги 15 сантимерли юмшоқ ўйинчоқни олиб ташлашимни талаб қилди. Полиция ходими бу каби буюмлар, “Аллоҳ асрасин” каби ёзувлар автомобилларга илиниши тақиқланишини айтди ва менга 50 манат жарима тўлашга қоғоз ёзиб берди", - дейди ўзини Гелдимирад дея таништирган ашхободлик ҳайдовчи.
“Озодлик” билан суҳбатлашган ҳайдовчиларнинг сўзларига қараганда, полиция вакиллари автомобилларга туморлар, ўйинчоқлар осишни тақиқловчи ва қоида бузилиши эвазига жарима тўланиши керак бўлган бирор бир ҳужжат тақдим қилишмаган. Шу билан бирга, айрим автоинспекция ходимлари бу каби буюмлар йўл ҳаракати хавфсизлигига “таҳдид солиши” мумкинлигини тушинтиришмоқда.
"Йўл полицияси ходимлари ҳайдовчиларгабу буюмлар заводда автомобил билан бир вақтда тайёрланмаганини тушинтирмоқда. Бу буюмлар сизнинг, шунингдек, ёнингиздан ўтиб кетаётган автомобиллар ҳайдовчилари эътиборини чалғитади. Бу эса йўл транспорт ҳодисасига сабаб бўлишини тушинтиришмоқда", - дейди ашхободлик ҳайдовчи.