Бу борадаги якуний қарор парламент ялпи мажлисида қабул қилинади.
Экспертларнинг фикрича, ўзгартишлар Қирғизистонни “Қумтор” конида Centerra Gold Inc. компаниясига бўлган ягона босимидан маҳрум қилади. Ҳукумат ўз ташаббусини иқтисодий жиҳатлар билан тушунтиришга уринмоқда, чунки музликлар деярли эриб бўлди.
Centerra Gold Inc.га музликлардан олтин қазиб олишга рухсат бериш билан боғлиқ баҳслар 2014 йилда бошланган. 2015 йилда қонун лойиҳаси иккита ўқишда маъқулланган эди, аммо жамоатчилик босими ва айрим депутатларнинг қаршилиги туфайли қайтариб олинган эди. Давидова ва Лисий музликлари коннинг марказий карьераси яқинида жойлашган. Амалдаги Сув кодекси бу минтақаларда фаолият юритилишни тақиқлайди. Чунки, фаолият музликларнинг эришини тезлатади. Шу сабабли ҳам хукумат шу давр мобайнида музликлар яқинидаёки музликларнинг ўзида олтин қазишга вақтинча рухсат берган.
Депутат Мирлан Бакировнинг айтишича, ҳукумат қонунга ўзгартишкиритиш лозимлигнини таъкидлар экан, бу ўзгартишлар бошқа музликларнинг эришини секинлаштиришини айтади.
«Қумтор» кони Қирғизистондаги энг йирик олтин қазиб чиқарувчи корхона ҳисобланади. Кон Канаданинг Centerra Gold Inc.компанияси томонидан бошқарилади. Қирғизистон «Кыргызалтын» ОАЖ сиймосида компания акцияларининг 26%.га эгалик қилади.
2025 йилга бориб Қирғизистондаги музликларнинг умумий майдони ўртача 30-40% қисқариши, 2100 йилга бориб эса бутунлай йўқолиб кетиши мумкин. Бу ҳақда Қирғизистон президенти Алмазбек Атамбоев шу йилнинг сентябрь ойи охирларида Нью-Йоркда БМТ Бош Ассамблеясининг 72- сессиясида маълум қилган эди.