Лойиҳага кўра, 500 кВ ўзгарувчан ток линиясининг трассаси Қирғизистоннинг «Датка» подстанциясидан Тожикистоннинг «Хўжанд» подстанциясигача қурилиши керак. Шундан сўнг ЛЭП Афғонистон орқали Покистонгача узайтирилади.
CASA-1000 ёз ойларида Қирғизистон ва Тожикистон электроэнергиясини Покистон ва Афғонистонга экспорт қилишни кўзлайди. Лойиҳанинг умумий қиймати 1 миллиард долларни ташкил қилади, шундан 233 миллион доллари бевосита Қирғизистонга йўналтирилади.
Пуллар CASA-1000 лойиҳаси доирасида электр энергия экспортидан тушган маблағлар ҳисобига қайтарилади. 2016 йилнинг 12 май куни Тожикистоннинг Турсунзода шаҳрида CASA-1000 лойиҳаси расман ишга туширилди.
Қирғизистон лойиҳа доирасида ЛЭП қурилишига 2018 йилда киришади ва уни икки йил давомида қуриб битказади.