Ссылки доступа

Адвокат Текебаевнинг уйидан жиноят ишининг нусхаси ўғирланган


7 ноябрь куни, тонгги соат 4 да адвокат Қанат Ҳасановнинг уйига номаълум шахслар кириб, Ўмурбек Текебаевга оид жиноят ишини ўғирлаб кетган. Воқеа жойидан олинган видеони «Ата Мекен» партияси етакчисининг бошқа адвокати Искен Афижонов «Фейсбук»даги ўз саҳифасида эълон қилди.

Тахмин қилинишича, ўғрилар уйга ошхонанинг деразаси орқали кирган. Видеоёзувда Қанат Ҳасанов унинг уйига кирган номаълум шахсларсовға қилинган тўппонча ва жиноят иши материалларини ўғирлаб кетганини ҳикоя қилаётгани тасвирланган. «Менга совға қилинган тўппончам бор эди. У ҳатто газли ёки травматик тўппонча ҳам эмас, балки шунчаки, ўйинчоққа ўхшаш бир нарса эди. Шу йўқолибди. Ўмурбек Чиркешовичга (Текебаев) оид жиноят ишининг нусхаси ҳам йўқ. Менда Текебаевнинг иши бўйича маълумотлар тўпланадиган, кичик йиғмажилд бор эди. У ҳам йўқ. Асосан ҳеч нарса йўқолмаган. Арзигулик қимматбаҳо нарсалар йўқ эди, ўзи»¸- дейди Ҳасанов.

Адвокатнинг сўзларига қараганда, у милиция чақирган, милиция ходимлари тергов тадбирлари ўтказмоқда. Қанат Ҳасанов «Мегаком» атрофидаги иш бўйича жараёнда Ўмурбек Текебаевни ҳимоя қилаётган эди.

Бишкекнинг Первомайск туман суди 16 август куни Ўмурбек Текебаев ва собиқ элчи Дуйшенқул Чўтановни «Мегаком» компаниясининг иши бўйича 1 млн доллар олганликда айбдор деб топди ва уларнинг ҳар бирини мол-мулкини мусодара қилган ҳолда, 8 йилга озодликдан маҳрум қилишга ҳукм этди. 2 октябрда Бишкек шаҳар суди бу ҳукмни ўзгартиришсиз қолдиришга қарор қилди.

XS
SM
MD
LG