Ссылки доступа

Оқ уй Коммунизм қурбонлари куни муносабати билан баёнот берди


Оқ уй 7 ноябрь Коммунизм қурбонлари куни муносабати билан баёнот берди. Унда “Россияда большевиклар инқилобидан 100 йил ўтгани” таъкидланади.

Америка маъмуриятининг қайд қилишича, "большевиклар инқилоби Совет Иттифоқини ва чириган коммунизмнинг ўн йилликлардаги шафқатсизлигини, эркинлик, фаровонлик ва инсон қадр-қимматига мос келмайдиган сиёсий фалсафани яратди".

Қўшма Штатлар ёркин ва эркин келажакка интилаётганлар томонида бўлишга қатьий қарор қилгани борасида баёнот беради, дейилади сешанба куни Оқ уй томонидан тарқатилган баёнотда.

"Ўтган юз йилликда тоталитар коммунистик режимлар томонидан жаҳонда 100 миллион киши ўлдирилган ва эксплуатация, зўравонлик қилинган, тушунарсиз ҳалокатларга учраган. Озодлик ҳақидаги ёлғонлар остидаги бу ҳаракатлар мунтазам равишда айбсиз инсонларни худо берган озодлик иродаси, уюшиш эркинлиги ва биз муқаддас ҳисоблайдиган кўплабҳуқуқлардан маҳрум қилиб келди", - дейилади баёнотда.

Оқ уй матбуот хизматининг эслатиб ўтишича, “эркинликка ташна бўлган фуқоролар мажбурлар, зўравонлик ва қўрқув орқали давлатга бўйсинтирилган. “Бугун биз коммунизм сабаб вафот этган ва ҳамон азият чекаётган инсонларни ёдга оламиз”, дейилади баёнотда.

2017 йилнинг 7 ноябрь куни Россияда большевиклар ҳокимиятга келган Октябрь инқилобининг юз йиллиги нишонланди. Уларнинг ҳукмронлиги 1991 йилда Совет Иттифоқининг тарқалиб кетиши билан расман якунига етди.

XS
SM
MD
LG