Хабар қилинишча, танловда ғолиб бўлган, «Айбек» номли фильмнинг муаллифи Айша Салимгереева Нью-Йоркка, мукофотлаш маросимига кела олмади.Ижодий гуруҳ номидан мукофотни фильм оператори Алихон Смагулов олди.
Алихан Смагулов душанба куни БМТ радиоси сайтида эълон қилинган, журналист Наргиз Шекинскаяга берган интервьюсида фильм Қозоғистондаги гей ҳақида, «у дуч келадиган ҳамма қийинчиликлар ва нималарни бошидан кечиргани» тўғрисида ҳикоя қилишини гапирди.
Унинг сўзларига қараганда, гей ролини ўйнаган актёр аввалига фильмда иштирок этишга унамаган. «...Гейлардан ҳеч ким ўзининг ноанъанавий ориентацияда эканлигини очиқ айтмайди, чунки бу жуда хавфли», — дейди Алихан Смагулов.
PLURAL+2017 Awards танловининг финалчилари ЮНИСЕФнинг «Ёшлар овози» онлайн жамоаси, «Пейли» медиамаркази ва Ghetto Film School иштирокида аниқланди.