"Шимолий Корея режими қонунларга биноан ўзини тутиши керак. У қонунга зид равишда олиб бораётган ядро ва ракета дастурларини тўҳтатиши, халқаро терроризмни қўллаб-қувватлашига барҳам бериши керак, -дея баёнот берди президент Трамп ўз қарорини эълон қилар экан. Дональд Трамп Малайзияда Шимолий Корея раҳбари Ким Чен Иннинг укасини ўлдирилиши ва 17 ой Шимолий Корея қамоқхонасида бўлган америкалик талаба Отто Уормбиернинг вафот этишини Пхеньяннинг ноқонуний ҳатти-ҳаракатлари сифатида кўрсатиб ўтди.
КХДР ўзининг ядровий иншоатларига халқаро инспекторларни киритишга рози бўлиши эвазига2008 йилда президент кичик-Жорж Буш томонидан терроризмни қўллаб-қувватловчи мамлакатлар рўйхатидан чиқарилган эди. Кўп ўтмай у ўз ваъдасини бузди. Дональд Трамп Буш томонидан қабул қилинган қарорни хато бўлганлигини таъкидлади. Сўнгги ойларда ўтказган ядро қуроллари ва қитъалараро баллистик ракетлар синовига жавоб тариқасида КХДРнинг жаҳон мамлакатлари билан савдо алоқаларини тўхтатиш мақсадида АҚШ ташаббуси биланБМТ Хавфсизлик Кенгашида Шимолий Кореяга нисбатан қўшимча жазо чоралари қўлланилди.
Давлат котиби Рекс Тиллерсоннинг айтишича, президент Трампнинг қарори бошқа мамлакатлар учун АҚШ Шимолий Корея муаммосига жиддий эътибор қаратаётгани ҳақидасигнал бўлади. КХДР терроризм ҳомийлари рўйхатида бўлган мамлакатларнинг атиги тўртинчисидир. Бу рўйхатга Сурия, Эрон ва Судан киритилган.