Икки мамлакат етакчилари Шимолий Корея, Эрон ва Афғонистондаги вазиятни ҳам тилга олдилар.
Суҳбат Путин Сурия президенти Башар Асад билан учрашгандан кейинги куни бўлиб ўтди. Кремлдагилар Россия етакчиси Трамп билан суҳбатда бу араб республикасида конституциявий ислоҳотлар, президент ва парламент сайловлари ўтказилиши тарафдори эканлигини баён қилди.
Москва, Анқара ва Теҳрон Қозоғистон пойтахти Остонадаги алоҳида музокараларга ҳомийлик қилмоқда. Уларда жанг қилаётган томонлар иштирок этади ва улар Суриянинг асосий минтақаларида хавфсизлик ҳудудлари шакллантирилишига бутун эътиборини жамлаган.
Оқ уй Трамп ва Путин 21 ноябрь куни «Бутун Яқин Шарқ ва Марказий Осиё ҳудудида терроризмга қарши курашнинг муҳимлигини» таъкидлаганини ва ИД, «Ал Қоида», «Толибон» ва бошқа террорчилик гуруҳларига қарши курашни фаоллаштириш йўлларини ўрганиб чиқиш борасида келишиб олганиниҳам билдирди.
Ўтган ҳафтада Трамп ва Путин Вьетнамдаги ОСИҲ (АТЭС) саммитида норасмий суҳбатлашган эди. Бу пайтда расмий учрашувлар бўлмаган. Ўшанда Кремлдагилар америкаликлар «мослашувчанлик намоён қилмагани»ни айтган эди. Оқ уйдагилар эса учрашув президентларнинг кун тартиби туфайли бўлмаганини тушунтирдилар.