Шу ҳафтада Атамбаев томонидан «ўз хўжайинининг навкари» деб аталган Тоқаев Twitter’даги саҳифасида, Атамбаев бўйича «ҳамма нарса ойдинлашмоқда» деб ёзди.
«Викиликсда АҚШ элчиси Янганинг турк шифокорларига таяниб Атамбаевнинг руҳий хасталиги ва унинг паранояни кучайтирадиган спиртли ичимликларга тобе бўлиб қолгани ҳақидаги хабарлари эълон қилинди. Мана ҳаммаси ойдинлашди! Унинг соғайиб кетишини тилайман», - дея ёзди Токаев.
15 ноябрь куни Атамбаев баёнот бериб, Остона шаънига айтган танқидий фикрлари учун кечирим сўраш ниятида эмаслигини таъкидлаган эди. Танқидлардан сўнг Қирғизистон ва Қозоғистон ўртасидаги алоқалар совуқлашиб кетган эди. Ўшанда Атамбаев Қозоғистон президенти Нурсултан Назарбоевни «кекса диктатор» деб атаган вабир кишининг ҳархашаси туфайли Қирғизистон “қамал”га тушиб қолганини айтган эди. У Қозоғистон томонидан Қирғизистон чегарасида текширувларнинг кучайтирилгани, бунинг оқибатида назорат ўтиш пунктларида юзлаб юк ортилган машиналар тўпланиб қолганини назарда тутган эди.
15 ноябрь куни кечқурун Тоқаев twit-хабар эълон қилди ва Атамбаевнинг сўзларни «ифлос ҳужумлар назарда тутилган ҳиссиётли нутқ» дея атади. Кейинроқ Қозоғистон парламенти Мажлиси спикери Атамбаевнинг сўзларини «маъсулиятсизлик» деди.
20 ноябрь куни якуний матбуот анжуманида Алмазбек Атамбаев ўз баёнотига Қозоғистон сиёсатчиларининг муносабатини раҳбариятнинг ҳар бир илтимосини бажаришга тайёр бўлган “ўз хўжайинларининг навкарлари” дея атади.