New York Times газетаси шу хулосага келди ва Флиннинг адвокатлари АҚШ президенти Дональд Трампнинг юристларига Мюллер олиб бораётган суриштирув тафсилотларини таништиришни тўхтатганини маълум қилди. Бундан аввал улар ўртасида ахборот алмашув борасида шартнома бор эди.
Ноябрь ойи бошларида Американнинг NBC News компанияси махсус прокурор Роберт Мюллер Майкл Флинн ва унинг ўғлига айб қўйиш учун етарлича далилларга эга эканлигини маълум қилган эди. Суриштирув ишлари билан яхши таниш бўлган турли манбаларга таянган журналистлар Мюллернинг тергов гуруҳи ноқонуний пулларни қонунийлаштириш ва федерал агентларни алдаш билан боғлиқ далилларни ўрганаётгани хақида хабар берган эди.
Трампнинг сайлов штабининг Россия вакиллари билан эҳтимолий алоқалари, шунингдек, Москванинг сайловларга эҳтимолий аралашиши билан боғлиқ масалани АҚШ Конгрессининг махсус қўмитаси, Федерал Тергов бюроси ва махсус прокурор Роберт Мюллер ўрганмоқда. Америка махсус хизматларининг ишонишича, сайловларга таъсир кўрсатиш мақсадида Демократик партиянинг сайти ва бу партиядан номзод Хиллари Клинтон сайлов олди компаниясигауюштирилган хакер ҳужумлари ортида Россия расмийлари туради. Дональд Трамп бир неча бор бу айбловларни инкор қилган.
Майкл Флинн атиги 24 кун Трампнинг маслаҳатчиси лавозимида ишлади ва Россия дипломатлари билан мулоқотлари тўғрисида нотўғри маълумотларни бергани ошкор бўлганидан сўнг истеъфога чиқишга қарор қилди.