Ссылки доступа

Душанбедаги мактаб ўқувчиси Гиннеснинг рекордлар китобига кирмоқчи (видео)


Душанбеда ўқувчи томонидан қўлга киритилган рекордни Гиннеснинг рекордлар китобига киритмоқчи – 7 ёшли Эмомхусейн Умаров 11 минг марта қўлда машқ бажариши мумкин. Унинг отаси Ражаб Умаровнинг айтишича, болакай бу машқни 6 соату 20 дақиқада бажаради.

Шифокорлар болани машқдан аввал ва машқдан кейин кўрикдан ўтказишди ва Эмомхусейнда саломатлик билан боғлиқ муаммо йўқлигини айтишди. Спорт шифокорлари ҳайратга тушганларидан, болада нотабиий имкониятлар мавжудлиги ҳақида фикр билдиришди. «Уларнинг айтишича, 11 минг марта қўл машқини бажаришга тайёргарликдан ўтган спортчиларнинг ҳам қурби етмас экан», -дейди Умаров.

Тожикистон пойтахтидаги айрим спорт клублари Эмомхусейннинг ноёб қобилиятидан хабар топганларидан сўнг уни ўзларига чақиришмоқда. Бироқ, ҳайдовчилик қиладиган отасининг сўзларига қараганда, ҳар куни ўғлини спортзалга олиб боришга вақти йўқ экан.

«Айни дамда менинг ўзим Эмомхусейн билан – эрта тонгда ва кечқурун бир неча соатдан шуғулланаяпман. Бизнинг мақсад – Гиннеснинг рекордлар китобига кириш», - дейди Ражаб Умаров.

Тўғри, Эмомхусейннинг Гиннеслар рекордлар китобига кириши учун отаси қаерга мурожаат қилишни билмайди. «Мен спорт амалдорлари ва пойтахт мэрига мурожаат қилдим. Ҳозир жавоб кутаяпман», - дейди Умаров.

Эмомхусейннинг ўзи ҳозирча келажакда спортнинг қайси тури билан шуғулланишни билмайди. Бироқ, Тожикистон ва жаҳон чемпиони бўлиш орзусида эканлигини таъкидламоқда.

XS
SM
MD
LG