Бу идоранинг матбуот хизматидагилар Тиллерсон билан президент Дональд Трамп ўртасида келишмовчиликлар бўлгани, лекин улар сиёсий йўналишга тааллуқли эканлигини билдиришди. Аввалроқ АҚШ президентининг маъмуриятидагилар давлат департаментида кадрлар алмашувини режалаштиришмаётганини баён қилишганди.
30 ноябрь, пайшанба куни The New York Times газетаси Оқ уй Тиллерсонни лавозимидан олиб ташлашни, унинг ўрнига МРБ директории Майк Помпеони тайинлашни режалаштираётганин ёзиб чиқди. Кейинроқ шунга ўхшаш хабарларни Associated Press ва Reuters агентликлари, шунингдек бошқа бир қатор янгилик узатувчи ташкилотлар эълон қилишди.
Октябрь ойининг бошида NBC телеканали Тиллерсон Трамп билан келишмовчилик туфайли истеъфога чиқишни режалаштиргани ҳақида хабар берган эди. Бу телеканал манбаларга таянган ҳолда, Давлат департаментининг бошлиғи июль ойида Пентагондаги учрашувдан сўнг, президент ҳақида ҳақоратомуз гаплар айтганини тасдиқлашди. Кейинчалик Тиллерсон бу ахборотни инкор қилди ва аввалгидек, «президентга содиқлигича қолаётгани»ни таъкидлади.