Реза Зарраб бу ҳақда Нью-Йоркда Туркиянинг “Халқбанк”и ижрочи директори Мехмет Хаққон Атиллага нисбатан давом этаётган суд жараёнининг учинчи куни АҚШ ҳукуматининг гувоҳи сифатида 30 ноябрь куни баёнот берди.
Атилла Эроннинг нефть ва газидан топилган даромадларни санкцияларни бузган ҳолда АҚШ банк тизими орқали қонунийлаштирганликда айбланмоқда. Бироқ у қўйилаётган айбларни инкор қилмоқда.
Зарраб 2 октябрь куни ўзига қўйилган банк фирибгарлиги, ноқонуний пулларни қонунийлаштириш ва бошқа жиноятлар тўғрисидаги айбларга иқрор бўлди ва тергов масаласида ҳукумат билан ҳамкорлик қилишга рози бўлди.
Бундан аввал Зарраб судга, Туркия собиқ иқтисод вазири Мехмет Зафер Каглаян 2012 йилда фойданинг 50 фоизини олиш эвазига Туркиянинг “Халқбанки” схемасида ишлашдаги ролини таъминлашга ёрдам берганини маълум қилган эди. Унинг сўзларига қараганда, у Каглаяндан Эрдўғон ва ўша вақтдаги молия вазири Али Бабажан шахсан мазкур келишувга рози бўлганини эшитган.
Эрдўғон ҳар қандай айбловларни рад қилади ва “биз тўғри йўл тутганмиз, суд қандай якунланишидан қатъий назар шу фикрни айтаман. Биз эмбаргони бузмаганмиз”, дейди.