Унинг сўзларига қараганда, корхонани ишонч асосида ёки ҳамкорликда бошқаришга бериш имконияти кўриб чиқилаяпти.
Аввалроқ Вазирлар Маҳкамаси «Манас» ва «Ўш» аэропортларига чет эл инвестицияларини жалб қилиш нияти ҳақида хабар берган эди. Бош вазир Сапар Исаков TAV Airports Holding турк компанияси билан музокаралар ўтказди.
29 ноябрь куни ҳукумат бошлиғи парламентда Қирғизистон ўз кучи билан ўз аэропортларини ривожлантира олмаслигини баён қилганди.
«Биз реалист бўлишимиз керак. Аэропортнинг 4 йилга мўлжалланган ўз дастури бор. Бу дастур асосида олинган маблағлар аэропортни ривожлантиришга сарфланади. Ҳа, бу тўғри, улар инфраструктура қисмини яхшилайди, эскалаторларни таъмирлашади ва тўхташ жойларини қуришади. Одамларга қулай ва шинам бўлиши учун чегара пунктларини кўпайтиришади, лекин ислоҳот бундан иборат эмас-ку. Ислоҳотдаги асосий нарса, бу — шу катта компаниялар ортида катта авиакомпаниялар борлигидир. Токи катта компаниялар Қирғизисторга келмас экан, катта авиакомпаниялар Қирғизистонга кириб келмайди. Буни очиқ гапириш зарур», - деди у.