Ссылки доступа

Өзбекстан алтын кенін барлауға төрт инвестор тартты


Өзбекстан үкіметі биыл ондаған алтын кенінің болашағын болжау үшін төрт шетел компаниясын тартқан, деп хабарлады РИА Новости.

Бұл туралы Ташкентте Uzgeoinvest-2017 халықаралық конференциясында белгілі болды. Мұндай келісімге канадалық B2Gold, британдық NordGold, түріктің TUMAD және Оңтүстік Кореяның Shindong Resources компаниясы қол қойған.

Жалпы инвестиция көлемі 8 миллион доллар болуы мүмкін. Келісім екі жылға жасалған. Инвесторлар лицензиясыз алдын ала зерттеу жұмыстарын жүргізе алады. Бұл жұмысты тездетеді.

Өзбекстан үкіметі 12 кен мен бағалы металдар болуы мүмкін 31 аумақтың тізімін бекітті. Мұнда 151 тонна алтын және 1,2 мың тонна күміс болуы мүмкін.

XS
SM
MD
LG