«Агар харидорга михлар, темир материаллари ёки кальций карбиди керак бўлса, у ҳолда биз ундан паспорт кўрсатишни сўраймиз. Харидор ҳақидаги барча маълумотлар, шунингдек унинг телефон рақамини махсус дафтарга ёзиб оламиз», - деб ҳикоя қилади Нарзулло Холиқов.
Дафтарда маҳаллий ИИВБнинг муҳри бор. Туман милицияси ходимлари қурилиш моллари бозорида тез-тез рейдлар уюштириб туришади. Бу рейдлар давомида, албатта, дафтардаги ёзувларни текширишади.«Бизни жуда қаттиқ огоҳлантиришган – қоидабузарлик учун жазо муқаррар. Баъзан одамларга ачиниб кўзингга ёш ҳам келади. Айтайлик, олис қишлоқда яшовчи киши мих учун шаҳарга тушади. Лекин унинг паспорти йўқ. Албатта ачинарли ҳолат, лекин нима ҳам қилардик. Шу тариқа у ҳеч нарсасиз қайтиб кетади», - дейди қурилиш материаллари сотувчиси.
Аммо паспорт кўрсатиш ёки қўл телефонининг рақамини қолдиришдан қатъиян бош тортадиган харидорлар ҳам бор. Нарзулло Холиқовнинг сўзларига қараганда, кўп сотувчилар милициянинг бундай олдини олиш чораларидан хурсанд эмас,чунки камдан-кам ҳолларда харидор бозорга боришда паспортини ёнида олиб юради.
Тожикистон ИИВда паспорт бўлмаганда қурилиш материалларининг баъзи турларини сотишни тақиқлаш ҳақидаги фармойиш мамлакатда террорчилик ҳаракатларининг олдини олиш мақсадида чиқарилгани билан изоҳлашди.«Жуда кўп ҳолларда террорчилар бомба ясашда михлар ва болтлардан фойдаланишади. Бу материалларни эса бозордан сотиб олишади», - деди ИИВ ходимларидан бири. Лекин у бу фармойиш қайси қонун асосида чиқарилгани ҳақидаги саволга жавоб беришга қийналди.
Тожикистон ИИВнинг маълумотларига қараганда, ўтган йили мамлакатда 36 та террорчилик ҳаракатининг олди олинган.