«Ақлбовар қилмайдиган ҳодиса юз берди! НТС телеканали босқинчилик йўли билан эгалллаб олинди, суд қарорига асосланиб эфирга узатиш тақиқланди. Наҳотки биз Қирғизистонда эндиликда Максим Бакиев манфаатлари ҳимоя қилинадиган ва кўзланадиган замонга етиб келдик? Наҳотки юридик ҳужжатлар – оддий бир қоғозга айланган бўлса, адолат – бекор, асосий мақсад эса мустақил, хусусий телеканални беркитиш ёки эгаллаб олишми?», - дея ёзди у ўзининг Facebookдаги саҳифасида.
19 декабрь куни кечқурун НТС телеканали биносига милиция ҳамроҳлигида суд ижрочилари келди ва Бишкекдаги туманлараро суднинг мулкларни ҳатлаш тўғрисидаги ажримини тақдим қилишди. Судга иқтисодий иш бўйича шикоят аризаси билан GREXTON CAPITAL LTD компанияси мурожаат қилган. Суд ажримида НТС учинчи томон сифатида кўрилади.
Маълумки, НТС телеканали «Республика» партиясининг етакчиси ва Жўқўрғу Кенеш депутати Ўмурбек Бабановга тегишли. Адлия вазирлигида канал МЧЖ сифатида рўйхатдан ўтган. Президентлик сайловларидан сўнг Бабанов мамлакатни тарк этди, Бош прокуратураунга нисбатан жиноий иш очди. 13 ноябрь куни сиёсатчи «Республика - Ата-Журт» партияси етакчилигидан истеъфога чиқишини билдирди.
Ўз навбатида суд департаменти НТС телеканали атрофидаги вазият юзасидан изоҳ берди.
Суд департаменти матбуот котиби Назира Сағиналиеванинг айтишича, «бу ерда босиб олиш борасида асло гап йўқ». «Фақат НТС телерадиокомпанияяси мулкини ҳатлов кўзда тутилган, мол-мулкни сақлаб қолишни таъминлаш,шунингдек мулкларни ишончли бошқарувга топшириш мақсад қилинган», - деди.
Компаниянинг НТС га қарши даъвоси ҳақида маълум қилинмади.