Москванинг акс-таъсири қандай бўлиши ҳақидаги саволга жавоб бера туриб, Песков ўзаролик принципига риоя этилишини тахмин қилди. “Америка томонидан ким Қодировга тенглиги” ҳақидаги аниқлаштирувчи саволга жавоб бера туриб, Россия президентининг матбуот котиби: “Уларда бундай одамлар кам”, деди.
Бир кун аввал АҚШ Молия вазирлиги “Магнтиский рўйхати”га Чеченистон раҳбари Рамзан Қодиров ва яна тўрт нафар россиялик шахсни киритган эди. Америка ҳукуматининг фаразига кўра, Қодиров судсиз қатл қилишлар, қийноқлар ва инсон ҳуқуқларини бошқача тарзда бузишларда айбланмоқда.
Қодировнинг ўзи “Магнитский рўйхатига” киритилганини шарҳлай туриб, инстаграмда у ўз ҳаётини хорижлик террорчиларга қарши курашга бағишлаганини АҚШ кечира олмаяпти, деб ёзди. Эълон қилинган видеотасвирда у ҳали “АҚШ ерларига қадам қўйиш ҳақида буйруқ олмаганлиги” сабабли хавотир олмасликка чақирди.
"Магнитский акти" АҚШ конгресси томонидан 2012 йилда қабул қилинган. Ҳужжат Hermitage Capital фондининг ҳуқуқшуноси Сергей Магнитский шарафига шундай деб номланган. У Москвадаги ВУТҲда ўлган. У Россия бюджетидаги йирик миқдордаги талон-тарожликларни фош қилган эди. Россия ҳукумати бу юристни солиқларни тўлашдан бош тортганликда айблаган. "Магнитский рўйхати”га, АҚШ ҳукуматининг фикрига кўра, коррупция ва инсон ҳуқуқларини бузишга алоқадор шахсларни кири