Мазкур келишувда санкциялар юмшатилиши эвазига Теҳрон томонидан ўз ядровий фаолиятининг чекланиши назарда тутилган.
Британиянинг New Europe янгиликлар сайти тарқатган хабарга кўра, «Казатомпром» раиси Галимжан Пирматов 21 декабрь куни Остонада бўлиб ўтган брифингда Эронга уран концентратининг етказилиши ядровий келишув иштирокчилари бўлган қуйидаги олти мамлакат: Британия, Хитой, Франция, Россия, Қўшма Штатлар ва Германия томонидан маъқулланганидан кейингина амалга оширилиши мумкинлигини айтди.
Эрон томонидан Қозоғистондан 950 тонна уран концентратини сотиб олишга доир шартнома 2016 йилнинг апрель ойида имзоланган. Мазкур келишувга биноан, етказиб беришлар жорий йилга режалаштирилган, аммо манфаатдор тарафлардан рухсат олиниши чўзилганлиги сабабли кейинга қолдирилган.
Эроннинг Financial Tribune янгиликлар сайтининг ёзишича, «Казатомпром» шартноманинг амал қилишини 2020 йилга қадар чўздирган бўлиб, етказиб беришлар олти мамлакатдан рухсат олиниши шарти билан 2018 йилдан 2020 йилга қадар бўлган даврга режалаштирилган.