Қўмита аъзоси, фаол Адил Турдуқуловнинг айтишича, собиқ президент Алмазбек Атамбаев “Сўз эркинлиги доирасидан чиққанлиги учун” («Чектен чыккан сөз эркиндиги үчүн») мукофотини олди.
Бундан ташқари, Миллий Хавфсизлик Давлат Қўмитаси раҳбари Абдил Сегизбаев ва Олий суд раиси Айнаш Тоқбаева “Эркин фикрловчиларни таъқиб қилиш” ва“Судлар ҳамёнбоп бўлгани учун” номинациялари бўйича ғолиб бўлди.
«Биз бу инсонларни сўз эркинлигини чеклаганлари ва уларга нисбатан яхши фикрдаги сиёсатчиларни панжара ортига жўнатганлари учун мукофотлашга қарор қилдик», - дея тушунтириш берди Адил Турдуқулов.
Сўз эркинлигини ҳимоя қилиш Қўмитаси 2016 йилдан бери сўз эркинлиги ривожига ҳисса қўшган ва бу эркинликни чеклаганларга мукофот топширади. Қўмитанинг баёнот беришича, Алмазбек Атамбаев бошқаруви йилларида 30га яқин сиёсатчи таъқибга олинган,журналистлар эса босимга учраган, кўп миллион сомлик жаримага тортилган. Бироқ расмийлар бу айбловларни инкор қилади.