21 декабрь куни парламент “тарғибот” терминини жорий қилувчи ва журналистларга мақолаларда номи эслатилган шахслардан ОАВда қонун билан муҳофаза қилинадиган сирларни, жумладан банк ва тижорат сирларини тарқатишга розилик олиш мажбуриятини юкловчи, шунингдек, давлат органининг ОАВ сўровига жавоб бериш муддатини икки баробар (етти кунгача) узайтирувчи қонун лойиҳасини маъқуллади. Ҳукумат вакиллари ташаббуси билан қонунга киритилган ўзгартиришлар Қозоғистондаги сайтлар эгаларини ўз материалларининг шарҳловчиларини идентификация қилишга мажбур этади.
Қозоғистоннинг журналистлар ҳамжамияти ва ҳуқуқ ҳимоячилари сенат депутатларидан парламент мажлиси ўтган ойда маъқуллаган, ОАВ тўғрисидаги қонунга ўзгартириш киритиш ҳақидаги баҳсли лойиҳани, ОАВ эркинлигини кафолатламайдиган қонун лойиҳаси сифатида рад этишни сўрашди. Ҳужжат 10 дан ортиқ қонун ва бир қатор кодексларга тааллуқли.
Ҳафта бошида бир қатор журналистлар, МНТ ва ҳуқуқ ҳимоячиларининг вакиллари Назарбоевга парламент томонидан маъқулланган ОАВ тўғрисидаги қонунга ўзгартиришларга вето қўйишни сўраб қилинган мурожаат лойиҳасини тайёрлашганини баён қилганди.