ДМБЖ(Бешинчи канал эгалигига даъвогар муассаса- мух.изоҳи) раисининг ўринбосари Бекболот Алиевнинг айтишича, бу масала ҳал қилинмаган. Бироқ унинг сўзларига кўра, компания ўз фаолиятини давом эттирмоқда:
- Каналнинг мулки, техникаси инвентаризация қилинади, қоғозлар текширилади. Раҳбарият ва айрим ходимлар кетмоқда. Техника ва жиҳозларга маъсул бўлганлар ўз ишини давом эттирмоқда. Каналнинг эфирга чиқиши тўхтамайди.
Бироқ ходимларнинг кетишига асосий сабаб бўлган канални молиялаштириш масаласи ҳал этилмаган. Бекболот Алиевнинг айтишича, бу борадаги таклиф ҚР ҳукуматига юборилган.
Телеканал жамоаси 27 декабрь куни компаниядаги фаолиятларини тўхтатишлари борасида маълум қилдилар. Компания директори Евгения Бердникова 15 декабрь куни баёнот бериб, молиявий муаммолар сабаб ишдан кетиш борасида ариза ёзганини маълум қилган эди.
Телеканал аввалига КООРТ деб номланиб, собиқ президент Асқар Акаев, сўнг Қурманбек Бакиев атрофидагиларга тегишли эди. 2011 йилда компания давлат ихтиёрига ўтказилди. Телеканалда 80га яқин киши ишларди.