Минтақа ОАВ хабарига қараганда, тунда ишлаган кончилар эрталаб тепага чиқишни исташмагани ва янги сменани ишга киришишига йўл беришмагани борасида маълумотлар тарқалган.
Kaz Mineralsнинг минтақавий идораси расмий вакили Ермек Дюзкенев 28 декабрь куни бу хабарни ҳақиқатга тўғри келмаслигини айтди.
Унинг сўзларига қараганда, тунги смена иш графиги бўйича тепага чиққан. Эрталабки сменанинг ишга чиқмаганлигини у раҳбарият ва ходимлар иштирокида бўлиб ўтган мажлис билан изоҳлади. Дюзкеневнинг айтишича, мажлисда уч сменали иш графигини жорий қилиш ва ойлик маошлар оширилиши муҳокама қилинган.
«Шахтерлар савол беришди, таклифлар киритишди. Кун тартибида ишнинг уч сменада ташкил этиш ва ойлик маошларни ошириш билан боғлиқ масалалар муҳокама қилинди”, - деди KAZ Mineralsнинг корпоратив алоқалар департаменти менежери Ермек Дюзкенев. Унинг “буни иш ташлаш ёки рухсат берилмаган қандайдир тадбир деб атаб бўлмайди” деган сўзларини маҳаллий матбуот иқтибос сифатида келтирди. Дюзкеневнинг айтишича, шахта одатдагидек фаолият юритмоқда.